Sidee ayuu khabiirka caanka ah Paul Merson u saadaaliyey natiijooyinka ciyaaraha ugu dambeeya EPL? Arsenal iyo Man Utd uma fiicna saadaashaani

38
4230

Khabiirka caanka ah ee hillinka Sky Sports Paul Merson ayaa saadaal ka bixiyey 10ka kulan ee ugu dambeeya ciyaaraha horyaalka England Premier League ee xilli ciyaareedkaan 2016 illaa 2017.

Dhammaan kulamadaan waxaa la ciyaari doonaa Axada, dhammaantoodna waxay soo geli doonaan 5pm xilliga geeska Africa. Xiddigii hore ee kooxda Arsenal iyo xulka England Paul Merson ayaana guulo u saadaaliyey dhammaan kooxaha waa weyn ee EPL, marka laga reebo Manchester United.

Balse saadaashiisu ma ahan mid u wanaagsan kooxdiisii hore ee Arsenal, sababtoo ah guul ay Liverpool ka gaarto Middlesbrough iyo guul ay Man City ka gaarto Watford, sida uu saadaaliyey waxay ka dhignaan doontaa in Gunners markii ugu horreysay muddo 22 sanno ah ay seegi doonto tartanka UCL.

Chelsea ayaa koobka England Premier League ku qaadi doonta garoonka Stamford Bridge wuxuuna Paul Merson aaminsan yahay inay 4-0 ku duban doonto Sunderland.

Halkaan hoose ka daalaco dhammaan sida uu Paul Merson u saadaaliyey 10ka kulan ee ugu dambeeye horyaalka England Premier League, sidoo kale saadaashaada goonida ah inoo reeb, oo tartan la gal khabiirkaan.

  • Liverpool 2-0 Middlesbrough
  • Watford 3-0 Manchester City
  • Arsenal 3-1 Everton
  • Burnley 2-0 West Ham United
  • Chelsea 4-0 Sunderland
  • Hull City 0-3 Tottenham
  • Leicester 2-2 Bournemouth
  • Manchester United 2-3 Crystal Palace
  • Southampton 3-1 Stoke City
  • Swansea 2-1 West Bromwich Albion
SHARE

Ahmed Jaangoan – Qoraa, Soosaare, Fallanqeeye, Wariye Sports.

38 Fikradaha Akhristayaasha

Ra'yi ka dhiibo

Fadlan geli aragtidaada
Fadlan magacaaga geli halkan