Milkiilaha Chelsea Roman Abramovich oo dejiyey qorshe ay Chelsea kusoo xerogelineyso Cristiano Ronaldo (Warbixin)

0
1869

Milkiilaha Chelsea Roman Abramovich ayaa wuxuu xalay oo Sabti aheyd ku wargeliyey maamulka kooxdiisa Chelsea inuu doonayo inuu gacanta kusoo dhiggo Cristiano Ronaldo oo ka mid ah xiddigaha ugu magaca dheer kubadda cagta adduunka.

Bilyaneerka u dhashay dalka Russia ayaa wuxuu isha ku hayaa inuu gacanta kusoo dhigo kabtanka xulka qaranka Portugal, waana tallaabo sahlan oo uu ku ceshanaayo tababaraha kooxdiisa Chelsea Antonio Conte.

Roman Abramovich uma badna inuu lacag rikoorka adduunka ah ku qarash gareeyo saxiixa Ronaldo si uu u keeno Galbeedka London, ugana caawiyo tababare Conte inuu mustaqbalka dheer sii joogo Stamford Bridge isagoo heysta Xiddiga Ugu Wanaagsan Meerahaan.

Warbixintaan oo uu daabacay wargeyska Daily Express ee dalka Ingiriiska ayaa sheegeysa inuu milkiilaha Chelsea isha ku haayo inuu Eden Hazard farta ka saaro Real Madrid oo muddo dheer raadineysay xiddigaan, si uu gacanta ugu soo dhigo Ronaldo.

Roman Abramovich ayaa wuxuu doonayaa inuu Ronaldo kula kulmo dalkiisa Russia halkaasoo uu haatan xiddigaani ku sugan yahay isagoo ka qeybgelaya tartanka FIFA Confederations Cup 2017.

Waxyaabaha uu Abramovich kusoo jiidanaayo Ronaldo oo ay sidoo kale dooneyso kooxdiisii hore ee Manchester United, iyo kooxo ka dhisan Shiinaha iyo USA waxaa ka mid ah nolosha magaalada London.

Si gaar ah wuxuu ugu sheegi doonaa inay nolol fiican iyo waxbarasho wanaagsan London ka heli karaan labada mataannaha ah ee dhowaan u dhashay iyo wiilkiisa curadka ah Cristiano Jnr.

Qandaraaska 32 sanno jirkaan ee Los Blancos waxaa lagu burburin karaa 1 bilyan oo euros, halka Isbuucii uu mushaar ahaan u doonayo in ka badan 400 kun oo ginni haddii uu kusoo laabto horyaalka England Premier League.

SHARE

Ahmed Jaangoan – Qoraa, Soosaare, Fallanqeeye, Wariye Sports.

Ra'yi ka dhiibo

Fadlan geli aragtidaada
Fadlan magacaaga geli halkan